Gazteria

Ludoteka

Udal ludoteka Ormaiztegiko Udaleko Hezkuntza, Gazteria eta Kirol arloaren mendeko zerbitzua da, 8 eta 11 urte bitarteko haurrei zuzenduta dago, eta haurrek parte hartu ahal izateko hezkuntza-gune bat eskaintzea du helburu. Hezkuntza-proiektu baten laguntzarekin eta aisialdiko jolas-jarduerak abian jarrita, haurren garapen sozial, afektibo eta kognitiboa sustatu nahi da epe ertainean, beste haurrekiko, gurasoekiko eta hezitzaileekiko harremanetan sakontzen saiatuz. Gabirialde kaleko 10. zenbakiko gizarte-etxean dago zentroa, eta ostiraletik igandera irekitzen ditu ateak, 16:00etatik 20:00etara.

Ormaiztegiko haur, nerabe eta gazteen parte-hartzea sustatzeko zerbitzua Gaztematikako "Gipuzkoako Haur eta Gazteen Sustapenerako Sistemaren" barruan kokatzen da.

Gazteria arloaren helburuak:

Ludotekaren eskaintza dinamizatzea: jokoak, tailerrak, ikastaroak, proiekzioak, irteerak...
Ludotekatik kanpo egin beharreko kultura- eta jolas-jarduerak antolatzea.
Udalerrian antolatzen diren ekimen interesgarrietan parte hartzea.
Hautemandako beharrei erantzungo dieten programak diseinatzea eta gauzatzea.
Lokala garbitzeko eta mantentzeko lanen jarraipena eta kontrola.
Zerbitzuak behar bezala funtzionatzeko beharrezkoak diren kudeaketa- eta administrazio-lanak egitea.
Ikasturte bakoitzari dagokion programa garatzea eta hiruhileko programazioa prestatzea eta ezagutzera ematea.

Kokapena eta kontaktua

Arduradun politikoa: Jon Enrique Galarza
Arduradun teknikoa: Ioritz Carrera Mendizabal
Helbide elektronikoa: [email protected]